ضيقة صدر سار القلم من أثرهـا
على الورق يكتب عسى الهم ينزاح
يكتب وتنزف عبرته مـن قهرهـا
لحد ماحبره بصدر الـورق سـاح
يشكي علي الليل وحشـة قمرهـا
ويخبر هوى معشوق نجمه اذ لاح
غموضها أظهر حرفها ماجبرهـا
يخاف دولاب الفلك يجلب ريـاح
لجيت أببـدي داخلـي ماقدرهـا
الصمت زود داخلي هم وجـراح
تنْحـب والله دار صفـوة بشرهـا
دارًهواها ريحة المسك وان فـاح
اليوم عنهـا البعـد زود مررهـا
ما اقفيت صد ولا تنحيت سـواح
لومالظروف وحكمة الله وأمرهـا
ماوالله اقعد للمساء اليوم ياصـاح
لكن ابصبر يومهـا مـع شهرهـا
ولا بد مايوم العنـا منـه نرتـاح
قلتة وانا اخيل البـروق ومطرهـا
هيض علي بـارق الوسـم لـلاح
وفي المنتدى بكرة يجيكم خبرهـا
في موقع الشعار يوم الحبرسـاح
وسلامتكم
موضوع: ضـــــيـــــقـــــة صـــــدر 
الأحد مايو 18, 2008 5:06 am
